أحسنلك ماتقارنش !!!!!!!!!

كنت بتكلم انا واختى (الاء) مرة عن حاجات وعادات لا اساس لها من الصحة بنمارسها ف  المعمورة المحروسة (مصر) وعقدنا مقارنة بين مصر وامريكا او اى دولة اوروبية اخرى والنتيجة بالطبع كانت مذهلة ومضحكة طبعا لدرجة اننا لم نتمالك انفسنا من الضحك عشان كنا ف مكان عام والناس طبعا بدأت تبصلنا كاننا جايين من كوكب تانى او لابسين لبس حفلة تنكرية بس ساعتها افتكرت مقولة احمد خالد توفيق (لو انك اخرجت كسرولة ووضعتها على رأسك فلن يهتم احد اكثر من 3 دقائق ) عشان كدة كملنا ضحك ;)
المهم ندخل بقة ف الجد

1. مصر                                                                                                          امريكا او اى عالم تانى غير مصر
2. مينفعش البنت تضحك ف الشارع او تتسم حتى لأى سبب من الاسباب 

والدليل مرة كنت ماشية فى الشارع افتكرت حاجة تضحك واللة وابتسمت ف سرى 

لقيت واحد قالى (اية ياجميل ماتضحكنا معاك ) طب اقولة اية انا طب;)

2-مينفعش البنت تاكل حاجة ف الشارع الان كل اللى رايح واللى جاى هيتريق عليها والدليل 

كنت ماشية ف الشارع مرة باكل زبادى بالفواكهة اعمل اية بحبة المهم كمية تريقة نزلت عليا من السما

معرفش برضة اية الفضا دة !!!!!!!!!

3-مينفعش البنت تتكلم ف الشارع ف الموبايل عشان كل العالم هيفتكرها بتكلم ولد الحمد للة 

محصلتليش قبل كدة عشان مش بشحن اصلا ;)

4-مينفعش البنت تمشى مع اخوها ف الشارع الا لو كانوا توأم عشان الناس كلها هيفتكروة واحد صاحبها ;),

والدليل ان صاحبتى ايام الثانوية كان اخوها مش بيمشى معاها ف الشارع طب اقولة اية دة كماااان!!!!!!!!;)

5- خمسة يامسهل مينفعش البنت تسند ع عربية ف الشارع مع انها حاجة حلوة اوى انا 

جربتها مرة واحدة ونفسى اجربها تانى

ملحوظة هامة .......الخانة التانية فاضية عشان ببساطة مش هقول غير جملة واحدة (هناك كل واحد ف حالة ) 

ولو قعدنا نتكلم العمر كلة مش هنخلص احنا اتكلمنا اكتر من ساعتين عن الموضوع دة بس دى اتفة الحاجات قصدى ابسط حقوق البنت انها تاكل ف الشارع او تبتسم مع ان ربنا قال تبسمك فى وجه اخيك صدقة او تمشى مع اخوها ..............اخوهااااااااااااااااااااا

معنى كدة ان البنت تعمل الحاجات دى 

١-تمشى جعانة ومش قادرة ياأما عشان الاتيكيت او عشان محدش يتريق عليها ٢-متكلمش حد ف الموبايل ولا حد يكلمها 

٣-تمشر رخمة ومكشرة وعاملة ١١١ 

٤-متمشيش مع اخوها او حد من قاريبها ولاد يعنى من الاخر تبقى وحيدة

عاوزة اقول بس انى بعمل كل الحاجات اللى ف الجدول عشان عاوزة اعيش  بطريقتى مش بطريقة حد تانى وزهقت  بجد من مجتمع عامل كدة